" ياما في زماننا .. قلوب .. راسماها أعمارنا
زي النجوم حواديت .. على ضل شباكنا
دي مركبي فضة .. و فرحي لو قضى
حبيبتي تبقى معايا .. من غيرها مش هارضى

ساعات أتوه مرات .. ألقى القمر هدّي
يسقي النسيم شربات .. في ليل طويل عدى
الصعب راح ولا ؟ .. الحب ده أحلام
لو وقفت الساعات .. صوتي أكيد أعلى

لو زارني فرح ساعات .. حواديتي ما بتخلص
قمري حصان في الليل .. و نجومه دي بترقص
و الحلم ويايا .. و الذكرى جوايا
من بين كتير حكايات .. حكايتنا دي حكاية

ساعات أحب حاجات .. مايحبهاش غيري
في الرايحة في الجاية .. بغني مع طيري
طمني أطمن .. في القلب راح أسكن
و طول هواكي معايا .. أتدفى و أطمن "

من أغنية " حواديت "

البداية لازم تكون منير
عشان ماحدش يستغرب العنوان .. ده أولا
و ثانيا .. عشان أغاني منير كانت دايما في خلفية أفكاري .. و أحاسيسي ..
في حاجة دايما جوايا .. ماكانش بيعبر عنها غير منير
.. و لهذا كان لازم هو يكون العنوان .. و تكون " حواديت " الناعمة .. هي البداية